Karl Bildt, i cili në karrierën e tij politike është marrë me çështjen e Ballkanit, ka thënë se është skandaloze që Kosova nuk ka miratuar marrëveshjen për demarkacionin e kufijve me Malin e Zi.
Ish-Ministri i Punëve të Jasthme i Suedisë, Karl Bildt është shprehur i zhgënjyer për dështimin e ratifikimit të kësaj marrëveshje në Kuvendin e Kosovës.
Përmes një postimi në Twitter, Bild ka theksuar se është skandaloze që Kosova nuk e ka miratuar këtë marrëveshje. Bildt ka komentuar këtë çështje pak kohë para se një komision i Parlamentit Evropian pritet të votojë pakon e shteti të Kosovës për liberalizimin e vizave.
“Është skandaloze që Kosova nuk ishte në gjendje për të ratifikuar marrëveshjen e demarkacionit të kufirit me Malin e Zi. Ajo ishte një çështje e lehtë”, ka shkruar Bildt në Twitter.
Votimi për marrëveshjen është parandaluar javën e kaluar kur kryeministri Isa Mustafa bëri të ditur tërheqjen e këtij ratifikimi nga rendi i ditës.
