Ai ishte përzënë nga Italia, por u kthye pas disa muajsh duke kaluar kontrollet në kufi.
Bëhet fjala për shqiptarin Alberto Gjokaj.
Ai u dëbua dhe u shoqërua drejt portit të Brindizit, por që nga muaji gusht, 22-vjecari shqiptari jetonte i qetë e si një “zotëri” në rezidencën D’Oro Leon në Sassuolo, ku karabinierët mësynë disa ditë më parë dhe e arrestuan.
Shqiptari, sipas policisë, së bashku me 5 bashkatdhetarë të tjerë (tashmë të arrestuar) jenë në listën e hajdutëve akrobatë që ishin bërë tmerri i banorëve në zonë.
Ata vidhnin sende me vlerë, ora të shtrenjta e bizhuteri, me teknikën e tyre të veçantë në historinë e grabitjeve.
Pjesë e bandës ishte dhe Rudenc Laska, 27-vjeç, i njohur më parë nga policia italiane.
