Kjo drogë laboratorike është shumë më e fortë sesa heroina. Është menduar si alternativë sintetike e morfinit. Deri me tash llogaritet se 50 njerëz kanë vdekur nga kjo drogë që ka filluar të njihet me emrin Pink.
Në tregun ilegal është e njohur si Pink ose Pinky, dhe mund tës gjendet në faqet e internetit në Kinë, shkruan Mirror.
Në qarqet shëndetësore ky opium kimik është i njohur me shifrën U-47700. Disa shtete të Amerikës kanë reaguar urgjentisht dhe kanë ndaluar marrjen e kësaj substance, por ajo ende mbetet e panjohur dhe e pa hulumtuar.
Thuhet se kjo drogë laboratorike është shumë më e fuqishme sesa heroina. Pinik është opioid, si heroina, përdorimi i së cilës në botë rritet secilin vit, rritet po ashtu numri i të vdekurve nga “overdoza” ose në mënyra tjera që lidhen me përdorimin e saj.
“Kjo drogë në tru prodhon procese të ngjashme biokimike të cilat lidhen me aktivitetet e përditshme të jetës dhe kënaqësisë që ndjejmë për ushqimin e dëshiruar apo seksin”, thekson autori i tekstit në Mirorr.
Kjo drogë më së shumti po përdorët nga fëmijët ose moshat e adoleshencës, gjë që përbën rrezik të shtuar për përhapjen tek të rinjtë, meqë ata llogariten si përdorues të mëdhenj të internetit.
