Kuvendi i Kosovës ka filluar seancën plenare, ku po shqyrtohet Shqyrtimi i dytë i Projektligjit për ndryshimin dhe plotësimin e Ligjit Nr. 05/L-125 për Buxhetin e Republikës së Kosovës për vitin 2017.
Javën e kaluar Kuvendi e ka miratuar në lexim të parë Projektligjin për ndryshimin dhe plotësimin e Buxhetit 2017.
Në mbledhjen e Qeverisë së Kosovës, Ministri i Financave, Bedri Hamza ka konfirmuar se buxheti për vitin 2018 është 2 miliardë e 82 milionë euro.
Duhet përkujtuar që më parë ishte parashikuar që buxheti për vitin 2018 të mos arrinte as shifrën 2 miliardë euro.
Me këtë rast ministri Hamza ka thënë se 10.3 përqind ka rritje për shpenzime kapitale dhe se projektet më të rëndësishme që planifikohen të përfshihen janë autostrada Prishtinë-Shkup, Prishtinë-Mitrovicë dhe autostrada Prishtinë-Gjilan-Dheu i Bardhë.
Kryeministri i vendit, Ramush Haradinaj ka theksuar se është një lajm i mirë për aprovomini e buxhetit për vitin 2018-të me shifër prej 2 miliardë euro.