Pas bisedimeve të emrit midis Greqisë dhe Maqedonisë, zuri vend edhe çështja e njohjes së Kosovës nga Athina zyrtare. Kështu tha për “Sputnik” Dushan Janjiç nga Forumi për marrëdhënie etike, duke theksuar se oferta e Uashingtonit dhe NATO-s bënë pjesë në kontekstin e politikës së re të Donald Trumpit, në të cilën preferencë i jepet zgjidhjeve ushtarako-diplomatike.
Është e qartë, shton Janjiç, se Amerika po e forcon këtë kompleks ushtarak si ekonomikisht dhe politikisht, por edhe si një mjet presioni.
I pyetur se pse Greqia do ta pranojë Kosovën pikërisht tani, Janjiç si përgjigje përmend disa arsye: Ndihmën ekonomike që do të marrin nga Amerika dhe një aspekt të rëndësishëm të sigurisë.
Janjiç konsideron se nuk duhet harruar se në Greqi punojnë përherë ose përkohësisht rreth 700,000 shqiptarë, dhe rreth 150,000 të tjerë qarkullojnë në rrugën Maqedoni-Kosovë-Shqipëri-Greqi. Sipas tij, kjo është një diasporë e fortë, më saktësisht një lobi, dhe publiku grek e ka pranuar këtë si një fakt në dhjetë vitet e fundit. Janjiq thotë se njohja e Kosovës nga Greqia për Amerikën do të ishte një shërbim i madh, transmeton zeri.info
Nga ana tjetër, Sasha Borojeviç, komentator i politikës së jashtme, beson se me siguri nëse qeveria greke e kishte një plan për të rënë dakord për emrin e përmendur të Maqedonisë, dhe për njohjen e Kosovës, atëherë protesta e 140.000 grekëve në kryeqytetin grek e tërhoqi vëmendjen e tyre.
Borojeviç rikujton dokumentin e CIA-s, në të cilën vlera e Kosovës është bërë në raport me Serbinë. Në atë dokument, thotë ai, shkruan se minierat në Kosovë vlejnë rreth 500 miliardë dollarë, ndërsa ato në Serbi bashkë me Vojvodinën rreth 200 miliardë.
“Në këtë segment, për Amerikën do të ishte jashtëzakonisht e rëndësishme për të bashkëfinancuar borxhet greke për të arritur sukses që përmes Kosovës të ndërtojnë Shqipërinë e Madhe dhe kjo është diçka për të cilën kanë frikë grekët. Sepse kur ta njohësh Maqedoninë me popullsi shumicë shqiptare, nesër do të keni një problem që Shqipëria e Madhe gjithashtu do të dëshirojë pjesë të Greqisë”, tha Borojeviç.
