Horror në Londër, pasagjerit i pritet koka ne tren, kishte dalë në dritare

08.08.2016 09:27:43

Një aksident i frikshëm është regjistruar gjatë pasdites së djeshme në Londër. Një i ri rreth të 20-ave humbi jetën teksa udhëtonte me tren.

Sipas mediave britanike, ngjarja duket si një skenë e shkëputur nga filmat horror. Pasagjeri kishte dalë në dritaren e trenit me të cilin udhëtonte, kur iu pre koka nga një tjetër tren që kaloi pranë.

Ai mësohet se udhëtonte me trenin e linjës Gatwick Express, kur vendosi që të dilte në dritare.Ngjarja e tmerrshme, sipas mediave britanike ndodhi në sy të një gruaje që ishte bashkë me të bijën, sapo treni po hyri në stacionin Wandsworth Common, në jug të Lodrës.

Një tjetër dëshmitar ka treguar skenën horror, dhe thotë se në momentin e aksidentit “koka e të riut fluturoi jashtë, ndërsa njerëzit filluan ulërimat dhe treni ndaloi”.