Ish – deputetja e Lëvizjes Vetëvendosje, Donika Kadaj Bujupi, ka theksuar se marrëveshja e koalicionit në mes Partisë Demokratike të Kosovës dhe Aleancës për Ardhmërinë e Kosovës, nuk e parasheh zhvleftësimin e versionit aktual të demarkacionit me Malin e Zi.
Ajo në emisionin “Info Box”, të RTV Dukagjini, ka theksuar se PDK-ja më herët në kongresin e saj të punës e ka votuar këtë version të demarkacionit, dhe pas arritjes së marrëveshjes me partinë e Haradinajt, subjekti i madh, siç e ka cilësuar Kadaj Bujupi, nuk ka thënë se do të heqin dorë prej saj.
Ajo ka thënë se ata si parti do të angazhohen dhe po punojnë fuqishëm së bashku me shtabin zgjedhor, që komisionerët dhe vëzhguesit të jenë në krye të detyrës përgjatë këtyre viteve.
“Nuk do të lejojmë që të vidhet vota, sikurse ne vitin 2010 ose në vitin 2013. Nuk do të pajtohem që rezultatet të manipulohen”, ka shtuar ajo.
Ajo ka folur edhe për “rrezikun” që i kanoset AAK-së në listat e kandidatëve për deputet, duke thënë se vota shpërndahet të partia e madhe e koalicionit, duke shtuar se partia e Haradinajt do të ketë shumë pak deputetë në Kuvendin e Kosovës.
