Të paktën 225 persona janë evakuuar me barkë nga San Jose, pasi gjysma e këtij qyteti është prekur nga përmbysjet që po ndodhin së fundmi në shtetin e Kalifornisë.
Zyrtarët komunalë kanë dhënë urdhër për evakuimin e banorëve nga një mijë shtëpi.
Evakuimi ka prekur banorët e 300 shtëpive në Rock Springs, kurse zyrtarët komunalë kanë bërë të ditur që edhe 200 banorë të Williams Street të braktisin shtëpitë e tyre.
Deri më tani nuk ka informacione nëse ka të vdekur apo të lënduar nga përmbysjet, ndërsa raportohet se të paktën 300 shtëpi janë dëmtuar.
Ekipet e zjarrfikësve kanë shkuar derë më derë për t’i bërë thirrje banorëve që të largohen nga shtëpitë e tyre, pasi që në San Jose nuk ka ndonjë sirenë apo sistem tjetër me të cilin do të paralajmëroheshin banorët për situata të jashtëzakonshme.
Ekipet e shpëtimit janë futur në ujëra deri në bel duke i nxjerrë banorët nga uji me barka, ku në mesin e tyre kishte bebe dhe kafshë shtëpiake.
