Komuniteti shqiptar në Shtetet e Bashkuara të Amerikës kanë reaguar ashpër pasi një organizatë joqeveritare e quajtur “Lidhja Qytetare Shqiptaro-Amerikane” me bazë në New York ka kërkuar që Donald Trump të largojë Richard Grenellin nga pozita e emisarit për dialogun Kosovë-Serbi.
Komuniteti shqiptar në SHBA ka thënë se një sulm i tillë ndaj Richard Grenell është i motivuar politikisht, derisa kanë thënë se shqiptarët në Amerikë qëndrojnë prapa presidentit të SHBA’së, Donald Trump.
Përmes reagimit publik, Komuniteti shqiptar në Amerikë u ka bërë thirrje të gjithë shqiptarëve që jetojnë dhe veprojnë atje që të mos bien në grackë të qëndrimeve të tilla që sipas tyre mund të kenë pasoja shumë të rrezikshme.
“Ne u bëjmë thirrje të gjithë Shqiptarëve që jetojnë e punojnë në Amerike, Republikanë e Demokratë qofshin, të mos bien në grackën e qëndrimeve të tilla me pasoja shumë të rrezikshme”, thuhet në reagim.
Reagimi i plotë:
Shqiptarët e Amerikës dënojnë sulmin e motivuar politikisht kundër Drejtorit të Inteligjencës Kombëtare Amerikane, Z. Grenell.
Nëpërmjet Avokatit dhe veprimtarit te shquar Shqiptaro-Amerikan Peter Lumaj, komuniteti shqiptar në Sh.B.A kanë dënuar sulmin e pashëmbullt që një grupim aktivistësh të motivuar politikisht, kanë ndërmarrë kundër të derguarit special të administratës amerikane për dialogun Kosove- Serbi, Z. Richard Grenell.
Më poshtë deklarata e plotë e komunitetit Shqiptaro- Amerikan:
“Ne, komuniteti i madh dhe i respektuar i Shqiptarëve qe jetojmë dhe punojmë ne Shtetet e Bashkuara të Amerikës, dënojmë fuqimisht deklaratat e Lidhjes Civile Shqiptare dhe qëndrimin agresiv kundër Trump të Joe DioGuardi.
Letra e tyre kërkon shkarkimin e Richard Grenell, një Republikan dhe Konservator i fortë, nga pozicioni kyç i të dërguarit special për dialogun Kosove- Serbi.
Ne u bëjmë thirrje të gjithë Shqiptarëve që jetojnë e punojnë në Amerike, Republikanë e Demokratë qofshin, të mos bien në grackën e qëndrimeve të tilla me pasoja shumë të rrezikshme.
Ne u kërkojmë Shqiptarëve të ndershëm e puntorë të Amerikës të qëndrojne përkrah Presidentit Trump;
të qërdrosh përkrah Presidentit Trump do të thotë të qëndrosh përkrah Kosoves dhe në anën e duhur të historisë.
Do të thotë gjithashtu të qëndrosh për interesin kombëtar amerikan dhe të qëndrosh në anën e shtetit të Kosoves dhe sovranitetit të tij. Të dyja këto kanë mbështetjen e fuqishme të Presidnti dhe të dërguarit Special Grenell.
Ne u kërkojmë të gjithë Shqiptarëve në Amerikë të dënojnë çdo akt dhe sjellje që ka për qëllim sulmet ndaj Administratës Trump dhe emisarëve të tij ne Ballkan.
Ne i kërkojmë secilit prej jush të dënojë cdo përpjekje dëmtuese ndaj marrëdhenjes së shkëlqyer të besimit mes Presidentit Trump dhe Kosovës e gjithë Shqiptarëve.
Zoti e bekoftë Ameriken, Zoti e bekofte Presidentin Trump, Zoti i bekoftë Shqiptarët!”
Peter Lumaj, Avokat, Strategjist Republikan
Joe Hoxha, Konsulent Politik
Brock Ëeber, Konsulent Politik
Sami Neza
Valon Meta
Salami Cuka
Gazmend Pocesta
Lon Ndreca
Peter Vukaj
Fred l
Aleks K
Angel Bajraktari
Gezim Isufi
Ahemet Hotaj
Mark Duka
Gezim Ademi
Sofia, NY
Elida Marku
Etj.
*Peter Lumaj eshte avokat me emer dhe ze mediatik, eshte veprimtar i rendesishem i komunitetit Shqiptar ne Amerike. Ish kandidat i Republikaneve per Sekretar Shteti I Connecticut ne 2014 dhe per Guvernator I Connecticut ne 2018.
