Kryeminstri Mustafa, në vazhdën e interesimit dhe vizitave në kompani të ndryshme prodhuese, sot ishte në Podujevë, në komapninë “Jaga Group”, që është një investim i përbashkët i një biznesmeni nga mërgata dhe kompanisë investuese gjermane, “Kappa Antipasti”. Nëpërmjet një postimi në facebook, kryeminstri Mustafa shpreh vlerësimin e tij për këtë kompani, në të cilën shumica janë femra. Kryeministri Mustafa ka shprehur përkushtimin e Qeverisë për të vazhduar përkrahjen e parezervë për investime nga jashtë, hapjen e vendeve të reja të punës dhe zhvillimin e vendit.
Ky është i plotë postimi i plotë i kryeminstrit Mustafa:
“Pak para nisjes për në Shkodër, ku do të përcjellim ndeshjen e djemve tanë ndaj Kroacisë, mora pjesë në inaugurimin e Fabrikës për përpunimin e perimeve “Jaha Group”, në Podujevë, investim i përbashkët i një biznesmeni nga diaspora dhe kompanisë investuese gjermane, “Kappa Antipasti”.
Kjo Fabrikë është shembull i investimit të suksesshëm në përpunimin e produkteve bujqësore, të cila po eksportohen në Gjermani, produkte që së shpejti do të mbillen në tokën tonë.
Vizitova vendin e punës të mbi 500 punëtorëve, shumica gra të vyeshme, që kanë filluar punën këtu, ku vura re një ambient shumë të mirë, modern dhe të përshtatshëm pune.
Qeveria e Kosovës do të vazhdojë përkrahjen e parezervë për investime nga jashtë, hapjen e vendeve të reja të punës dhe zhvillimin e vendit tonë.
Kosova i ka njerëzit punëtorë, resurset ekonomike dhe ambientin e favorshëm për t’u zhvilluar në të gjitha drejtimet. Me punë, vullnet dhe besim, së bashku do ta bëjmë realitet.”