Ka ndërruar jetë kryeinfermierja e repartit të Klinikës Infektive në QKUK, Nerxhivane Konushevci.
Lajmin e ka bërë të ditur Oda e Infermierëve të Kosovës
“Oda e Infermierëve, Mamive dhe Profesionistëve tjerë shëndetësorë është njoftuar me pikëllim të thellë se pas një sëmundje të rëndë ka ndërruar jetë kryeinfermierja e repartit e të Klinikës Infektive Nerxhivane Konushevci (1962)”, thuhet në njoftimin e bërë për media.
Oda e Infermierëve ngushëllon familjen e Nerxhivane Konushevci.
“Në emër të Odës së Infermierëve të Kosovës, familjes së të ndjerës dhe gjithë kolegëve, iu shprehim ngushëllimet më të thella me rastin e vdekjes së parakohshme të koleges Konushevci, e cila dha një kontribut të çmuar në shërbim të pacientëve”, thuhet në reagim.
