Komuna e Drenasit ka njoftuar se ka filluar zbatimi i pilot projektit për caktimin e vizitave mjekësore përmes telefonit.
Sipas njoftimit në ofrimin e këtyre shërbimeve punojnë katër Specialistë të Mjekësisë Familjare në QKMF-Drenas.
Njoftimi i plotë:
Filloi pilot-projekti për caktimin e vizitave mjekësore përmes telefonit
Informohen të gjithë qytetarët e Komunës së Drenasit, se ka filluar pilot-projekti për caktimin e vizitave mjekësore edhe përmes thirrjeve telefonike, në numër të telefonit 045-730-379.
Me qëllim që të gjithë qytetarët e Komunës së Drenasit të kenë edhe këtë mundësi për ofrimin e shërbimeve shëndetësore më cilësore.
Në ofrimin e shërbimeve shëndetësore për caktimin e vizitave mjekësore punojnë katër (4) Specialistë të Mjekësisë Familjare në QKMF-Drenas.
