Presidenti i Serbisë, Tomisllav Nikoliq së bashku me kryeministrin Aleksander Vuçiq kanë biseduar me dyer të mbyllura, për sigurinë dhe situatën politike në Serbi.
Madje presidenti serb, Nikoliq, ka shprehur frikësimin e tij për kryeministrin Vuçiq, të cilit iu gjetën arsenal armësh pranë shtëpisë së tij.
Nikoliq tha gjithashtu se ai ishte i shqetësuar për jetën e kryeministrit Aleksandar Vuçiq, i cili siç tha ai, mund ta kishte fatin e paraardhësit të tij, Zoran Gjingjiq.
Sipas tij është duke u punuar pakuptimshëm dhe furishëm për përpjekjet që të kthehen në 2003-n, kur u vra ish-kryeministri Zoran Gjingjiq.
