Një pacient nigerian me koronavirus është ndaluar pasi dyshohet se sulmoi dhe kafshoi një infermiere kineze në fytyrën e saj në përpjekje për të shpëtuar nga izolimi.
Pamjet tronditëse tregojnë infermieren duke shpërthyer në lot ndërsa fytyra e saj e fryrë është e mbuluar me çarje, raporton “Daily Mail”, transmeton lajmi.net.
Policia lokale tha se pacienti i ndaluar po merr mjekim nën karantinë me mbikëqyrjen e policisë. Ai do të ndiqet penalisht në përputhje me ligjet kineze pas shërimit.
Infermierja kineze u shty në tokë dhe u kafshua në fytyrë kur u përpoq të ndalonte ikjen e shtetasit nigerian, sipas një deklarate të policisë.
Policia Guangzhou tha se ata kanë hetuar incidentin dhe menjëherë të kryejnë ndjekjen pasi të mbarojë trajtimi.
Banori i huaj po përballet me dëbimin pasi u arrestua nga policia lokale për ndërprerjen e shërbimeve publike, sipas një deklarate zyrtare.
Burri dyshohet se u zemërua pasi punëtorët e komunitetit e urdhëruan atë të vishte një maskë për fytyrën para se të hynte në kompleksin e banimit në të cilin jetonte.
Kryeministri kinez Li Keqiang u bëri thirrje zyrtarëve që të bëjnë kontrollimin e rasteve të dyshuara asimptomatike dhe të intensifikojnë përpjekjet e monitorimit, përcjelljes, karantinës dhe trajtimit të imponuar ndaj tyre. /Lajmi.net/
