Bazuar në dekretin e sotëm të Presidentit të Republikës së Kosovës, Hashim Thaçi, për shpërndarjen e Legjislaturës V të Kuvendit të Republikës së Kosovës, kjo Legjislaturë përfundon punën e vet.
“Rrjedhimisht, anulohet seanca plenare, e paraparë për të enjten, në orën 10:00”, thuhet në një komunikatë për media nga Kuvendi i Kosovës.
Shpërndarja e Kuvendit u bë pas rrëzimit të Qeverisë me anë të një mocioni iniciuar nga opozita dhe votuar nga shumica e deputetëve të Kuvendit.
