Rreth orës 19:40 minuta në fshatin Reshtan, në afërsi të Shkollës së Mesme e Ulët “Flamuri i Arbrit” një patrullë policore i ka ndaluar tre persona dhe gjatë kontrollit, tek njëri është gjetur dhe sekuestruar një pistoletë e llojit “Zastava”. Pas intervistës, i dyshuari është liruar ndërsa rasti do të procedohet sipas procedurës së rregullt.
Ndërkaq hetuesit rajonalë në fshatin Zhur e kanë sekuestruar një pistoletë te kalibrit 8mm model FBI 800. I dyshuari i këtij rasti e kishte ekspozuar armën në rrjete sociale. Gjatë intervistës, i dyshuari pretendon se armën e kishte gjetur tek lumi Drin e më pas ia kishte shitur një të dyshuari tjetër. Edhe i dyshuari i dytë është intervistuar e më pas prokurori i shtetit ka urdhëruar që kallëzimi penal dhe provat materiale t’i kalojnë prokurorisë për procedura të më tejme, ndërsa të dyshuarit lirohen.
