Mediat serbe sot gjatë ditës kanë raportuar se së shpejti mund të ndodhë një takim trelateral ndërmjet qeverisë së Kosovës, Shqipërisë dhe asaj së Serbisë.
Duke u thirrur në burimet e veta diplomatike, e përditshmja serbe Danas ka shkruar se një takim i tillë do të realizohet pas formimit të qeverisë Haradinaj në Kosovë.
Por, qeveria e Kosovës deri më tani zyrtarisht nuk ka marrë ndonjë ftesë për takim të tillë.
Arbër Vllahiu, këshilltar i kryeministrit Haradinaj ka thënë se nuk i komentojnë shkrimet e këtyre mediave.
“Nuk i komentojmë shkrimet e mediave”, ka thënë Vllahiu.
Danas gjatë ditës kishte shkruar se ky takim është i iniciuar nga Berlini.
“ Ky takim trilateral tashmë është paralajmëruar, e kur të kihen parasysh projketet e iniciuara të proceit të Berlinit, ka indikacione se një takim i tillë mund të zhvillohet në Nish. Beogradi, Tirana dhe Prishtinë do të kenë levërdi nga projektet e përbashkëta, sikur që është ndërtimi i autostradave” shkruhej në gazetën Danas.
Ndryshe, sot gjatë gjithë ditës kryeministri Haradinaj ka zhvilluar takime të shumta me amabasadorë të vendeve të Evropës