Robert Mueller, prokurori special i cili po heton çështjen “Russiagate”, ka njoftuar se një komision i zgjeruar federal ka paditur 13 qytetarë rusë dhe tre entitete ruse në hetimin e ndërhyrjes së Moskës në zgjedhjet presidenciale të vitit 2016.
“Ata me vetëdije dhe qëllimisht komplotuan, – lexohet në akuzën e ngritur, – për të mashtruar Shtetet e Bashkuara me qëllim të ndërhyrjes në proceset politike dhe elektorale amerikane”.
Akuza pohon se këta njerëz ose subjekte “mbështetën fushatën presidenciale të kandidatit të atëhershëm Donald J. Trump … dhe ata diskredituan Hillary Clinton”.
Njoftimi i zyrës së Mueller pohon se akuzat janë të komplotit për të mashtruar Shtetet e Bashkuara, por gjithashtu për mashtrim bankar dhe vjedhje identiteti.
Mueller po heton lidhjet e mundshme midis qeverisë ruse dhe disa anëtarëve të komitetit zgjedhor të Donald Trump.