Në ndërtesën e shërbimit evropian për çështje të jashtme (EEAS) në Bruksel sonte ka nisur takimi jo formal i shefes së diplomacisë evropiane Federica Mogherini me kryeministrat e gjashtë vendeve të Ballkanit Perëndimor, në mesin e të cilëve edhe ai i Kosovës Isa Mustafa dhe kryeministri i Shqipërisë Edi Rama.
Para këtij takimi janë mbajtur takime bilaterale të shefes së diplomacisë evropiane me kryeministrat e vendeve të Ballkanit Perëndimor, përfshirë kryeministrin në largim të Kosovës Isa Mustafa.
