Presidenti i Kosovës, Hashim Thaçi, është deklaruar pas takimit me kreun e LDK-së, Isa Mustafa.
Thaçi ka njoftuar se janë pajtuar me ish-kryeministrin që të kenë një qëndrim të unifikuar në çështjet kryesore kombëtare.
Përmes një postimi në Twitter, Thaçi tha se është mirënjohës ndaj Mustafa dhe LDK-së që gjithmonë keni qenë konstruktiv në çështjet shtetndërtimit, përcjell lajmi.net.
“Takim i shkëlqyer pune me ish-kryeministrin dhe udhëheqësin e LDK-së, z. Isa Mustafa. Ne u pajtuam të kemi një qëndrim të unifikuar për çështjet kryesore kombëtare. I jam mirënjohës z. Mustafa dhe LDK-së që gjithmonë keni qenë konstruktiv në çështjet shtetndërtimit”, shkroi Thaçi.
