Donald Trump ka deklaruar se presidenti meksikan, Enrique Pena Nieto është më mirë të qëndrojë në shtëpi javën e ardhshme në vend të takimit me të, në qoftë se vendi i tij nuk është i gatshëm të paguajë për murin në kufi.
“Nëse meksika nuk ka dëshirë të paguajë për murin, atëherë më mirë të anulojnë vizitën”, ka shkruar Donald Trump në twitter.
Takimi me presidentin e Meksikës, cilësohej si mjaft i rëndësishëm për dy shtetet për përmirësimin e raporteve në tregti dhe çështje tjera, por siç duket ai nuk do të realizohet, të paktën jo për kur edhe ishte planifikuar.
