Gjatë një interviste për emisionin ’60 Minutes’ në CBS, Presidenti i sapo zgjedhur i Shteteve të Bashkuara të Amerikës, Donald Trump, ka theksuar se rrjetet sociale kanë luajtur një rol të madh fitoren e tij.
“Kur jepni një histori të keqe, një histori të pasaktë, sigurisht që CBS nuk e ka bërë një gjë të tillë, por duhet kuptuar që edhe unë e kam një metodë për të luftuar,” ka thënë Trump, përcjell koalb.com.
Kur u pyet nëse do të vazhdonte të përdorte llogarinë e tij në Twitter, Trump tha se ‘do vazhdoj, por do jem më i përmbajtur’.
“S’ka asgjë të keqe të vazhdoj të përdor Twitter-in, apo jo?! Unë nuk besoj që është turp,” tha ai.
Trump ka theksuar se Twitter, Facebook dhe Instagram, ku edhe ka rreth 28 milionë ndjekës, e kanë ndihmuar atë të fitojë zgjedhjet primare dhe të përgjithshme.
“Unë kam fituar,” tha Trump. “Mendoj se rrjetet sociale kanë më shumë pushtet se paratë që shpenzohen nëpër fushata.”
