Protestë u mbajt sot edhe në Prishtinë. Por në këtë ditë feste, protestuesit kërkuan që Kosova e Shqipëria të bëjnë më shumë për të dënuarit në rastin “Kumanova”.
Me një minutë heshtje u hap protesta për të burgosurit në rastin `Kumanova`.
Xhevahire Rrustemaj motra e Lendritit, të dënuar me grupin Kumanova, thotë se aktvendimi ndaj tij, ishte i padrejtë dhe nuk po bëhet asgjë për lirimin e tyre.
Në emër të tri shoqatave të luftës së UÇK-së, foli Muhamet Bilalli, i cili kërkoi drejtësi për të dënuarit në Kumanovë.
Protestuesit kërkuan që Kosova e Shqipëria ta marrin seriozisht aktgjykimin prej mbi 700 vjet burg të të dënuarve në rastin `Kumanova`.