Armend Zemaj nga Lidhja Demokratike e Kosovës, ka thënë se nuk ka ndonjë anëtar apo lider i Vetëvendosjes i cili nuk është fotografuar me veturën Audi Q7, e cila dikur përdorej nga Isa Mustfa sa ishte kryetar i komunës së Prishtinës.
Këto deklarime Zemaj i dha në Magazina Lokale derisa po komentonte shitjen e veturës e cila ishte vendosur në ankand.
Ndonëse ajo veturë ishte shitur me vlerë prej 22 mijë e 500 euro, ende debatohet duke u drejtuar kritika ndaj LDK-së për shfrytëzim të panevojshëm të kësaj veture.
”Nuk ka anëtarë të liderit të Vetëvendosjes që ska shku e të fotografohet me atë veturë. Asnjë shkollë nuk është ndërtur në Prishtinë që nga qeverisja e Vetëvendosjes”.
”Në vend të pemëve që kanë vendos kunja. Këta kanë mund me ban edhe fontanë dëshirash. Duhet ta shqyrtojmë Ligjin për Prishtinën”, ka përfunduar Zemaj, transmeton Klan Kosova.