Tashmë është e konfirmuar se në aksidentin që ka ndodhur në hyrje të Rahovecit, kanë vdekur 3 persona.
Kapiteni Avdi Berisha konfirmoi për lajmi.net se në njërën veturë të aksidentuar, kanë vdekur tre persona.
Ai tha se në mesin e tre të vdekurve është edhe një fëmijë i moshës nga 7 deri 9 vjeç.
“Kurse në veturën tjetër është i lënduar edhe një person tjetër”, tha Berisha për lajmi.net.
Togeri i policisë nuk mundi tash për tash të japë më shumë sqarime meqë aktualisht në vendin e ngjarjes janë edhe ndihma e parë dhe prokurori.
