Seanca e jashtëzakonshme e Kuvendit të Republikës së Kosovës, e paraparë për sot në orën 18:00, nuk do të mbahet.
Në seancën e paralajmëruar për sot ishte paraparë votimi i Marrëveshjes për Demarkacionin me Malin e Zi.
Mirëpo, sipas njoftimit nga Kuvendi, kjo seancë do të mbahet një ditë tjetër, njofton Telegrafi.
Për shtyrjen e seancës kishte paralajmëruar një ditë më parë edhe kryeministri i vendit, Ramush Haradinaj.
Burime brenda koalicionit qeverisës bëjnë të ditur se kjo seancë do të mbahet të martën, më 20 shkurt, në orën 14.
Lidhja Demokratike e Kosovës tashmë ka konfirmuar votën e saj pro ratifikimit të Marrëveshjes së demarkacionit me Malin e Zi.