Jo shumë larg nga kufiri i Rusisë, në Lituani sot ka filluar ushtrimi më i madh ushtarak në të cilin marrin pjesë 4000 ushtarë nga 11 vende të NATO-s.
Siç raporton RT, “lojërat e luftës” kanë për qëllim që të testojnë gatishmërinë e vendeve Baltike që sa më shpejt të mund të dislokojnë numër të madh të ushtarëve, transmeton lajmi.net.
Ushtrimi i quajtur “Shpata e hekurt” do të zgjas deri më 2 dhjetor dhe do të mbahet në dy lokacione në Lituani.
Në ushtrime po marrin pjesë ushtarë nga SHBA-ja, Britania e Madhe, Gjermania, Kanada, Polonia, Rumania, Sllovenia, Luksemburgu, Lituania, Estonia dhe Letonia.
