Në stuhi tepër e fuqishme ka prekur Moskën ditët e fundit, por kulmin e ka arritur sot, ku janë raportuar edhe shumë të plagosur. Qindra pemë janë rrëzuar nga erërat e forta dhe makina janë shkatërruar, ndërsa mediat flasin për “kërdi” të bërë në Moskë. Një fëmijë ka vdekur dhe 17 të tjerë kanë mbetur të plagosur.
“Mjekët nuk mundën të shpëtonin një vajzë që ishte në gjendje kritike. Unë shpreh ngushëllimet më të thella për prindërit e saj”, shkroi kryetari i bashkisë së Moskës, Sergej Sobjanin.
Qindra pemë u rrëzuan nga stuhia në kryeqytetin rus, shtoi ai. Më parë, Ministria e Emergjencave lëshoi një paralajmërim për stuhi. Shërbimi shëndetësor i Moskës konfirmoi se të paktën 17 vetë u plagosën nga stuhia masive, raportoi TASS.
Një fëmijë tre muajsh u plagos nga stuhia. Ajo ka marrë lëndime jo kërcënuese dhe së shpejti do të dalë nga spitali, thanë mjekët. Erërat e forta kanë shkaktuar kaos në pjesën evropiane të Rusisë. Mbi 440 komunitete mbetën pa energji në rajonet Vladimir, Tula, Tver dhe Ivanovo, thanë shërbimet e emergjencës.
