Albin Kurti, dje u aksidentua me mjetin e tij te rruga e Rinasit, pranë Kasharit, pasi eskorta e tij u përplas me një makinë Policie. Fatmirësisht nuk pati të lënduar por vetëm dëme materiale. Pas aksidentit Kurti vijoji festën me anëtarët e Vetëvendosjes në Tiranë, ku u shpreh se shumë shpejt do të ketë edhe një takim me Kryeministrin e Shqipërisë, Edi Ramën.
Si ndodhi aksidenti?
Eskortës që shoqëronte Kurtin i ka prerë rrugën një makinë që vinte nga rrugët dytësore, e cila ecte me shpejtësi të ulët. Tre automjetet e tjera kanë frenuar në kohë, por makina tip “Volvo” me të cilën ecte Albin Kurti ka frenuar me vonesë, duke u përplasur me automjetin e policisë.
Siç shihet dhe nga foto ka qenë një automjet tip “Volvo” që ka goditur në anën e pasme një automjet policie.
Kurti nuk është lënduar. Atij i është ofruar edhe një autoambulancë, por është refuzuar pasi nuk kishte pësuar lëndime.