Një delegacion i Kuvendit të Kosovës gjendet në vizitë në Kroaci, për ta diskutuar çështjen e partneritetit strategjik ndërmjet dy vendeve
Kryetari i delegacionit të parlamentit kroat në Asamblenë e NATO-s, Miroslav Tuxhman, djali i presidentit të parë të pavarur kroat, ka njoftuar se do ta përkrahin Kosovën në seancën e radhës të asamblesë së NATO-s, që do të mbahet në Gjeorgji.
Me këtë rast, kryetari i komisionit për punë të jashtme i Kuvendit, Elmi Reçica e ka falënderuar Kroacinë për përkrahjen e vazhdueshme ndaj Kosovës.
“Integrimi në BE dhe NATO janë dy prioritete kryesore të Kosovës dhe qytetarëve të saj”, ka deklaruar Reçica.
Zyrtarët e dy shteteve kanë njoftuar se nëse edhe ky takim nuk ishte i mjaftueshëm, atëherë do të takohen përsëri për të finalizuar partneritetin strategjik ndërmjet Kosovës dhe Kroacisë.
Edhe ish-zyrtarët e lartë kroatë si Stjepan Mesiq dhe Zoran Milanoviq, janë lotues aktivë për Kosovën. Madje ish-presidenti kroat së fundi ka vizituar Kosovën ku u takua me Behgjet Pacollin.
