Një baba është qëlluar për vdekje në sy të gruas dhe fëmijëve të tij në ishullin spanjoll të Majorkës.
Policia beson se është një rast që ka të bëjë me ngatërrim identiteti. Sipas tyre irlandezi është ngatërruar me një kriminel po nga vendi i tij.
Vrasësi e qëlloi në mes të rrugës irlandezin në sy të familjarëve të tij, dhe u arratis, madje i shpëtoi dhe një postoblloku policie. Irlandezi, identiteti i të cilit nuk u bë i ditur u shpall i vdekur në spital pas përpjekjeve për ta risjellë atë në jetë.
