Lieri i AAK-së, Ramush Haradinaj, ka mbajtur një takim me bashkëatdhetarë në Francë, ku i ka falënderuar ata për përkrahjen gjatë kohës sa po qëndron atje, pas ndalimit nga autoritetet franceze.
“Unë u kënaqa që ju pashë, ndoshta nuk është boll, por më mirë kështu. Dhe para se me shku, desha t’ju falënderoj”, shprehet Haradinaj.
Përkrah kreut të AAK-së, është edhe konsulli i Kosovës në Francë, Edon Cana.
Haradinaj flet për arrestimin e tij dhe beson se do të kthehet së shpejti në Kosovë dhe shpreh dëshirën që të takohet sërish me bashkëatdhetarët para se të udhëtojë, raporton lajmi.net.
“Unë besoj që ka me u krye kjo punë sepse nuk ka kah me shku. Na prift e mbara”, deklaron ai.
“Po e pi edhe qit fitil e po lypi izën”, shton ai derisa ulet në karrige, “A pe do edhe një kafe”, e pyet kamerieri.
“E pina një kafe, po hajt qitma edhe një”, shprehet Haradinaj.
Haradinaj u arrestua në aeroportin e Baselit më 4 janar nga autoritetet franceze.
Ai u lirua me kusht nga një gjykatë në Colmar të Francës dhe vendimi për lirimin apo ekstradimin e tij në Serbi, pritet të jepet gjatë këtyre ditëve.
