Për më pak se një javë në tërë Kosovën kanë humbur jetën dy persona në aksidente trafiku.
Në bazë të statistikave zyrtare të Policisë së Kosovës dërguar për lajmi.net, që nga 1 janari i këtij viti e deri më 6 janar në tërë vendin kanë ndodhur gjithsej 295 aksidente në trafik.
Sipas këtyre statistikave, dy persona kanë humbur jetën.
Policia ka bërë të ditur se nga 295 aksidente, 100 prej tyre kanë qenë me të lënduar ndërkaq 193 kanë qenë vetëm me dëme materiale.
