Siç është raportuar nga mediat e huaja, policia këtë mëngjes lëshoi një deklaratë, në të cilën ka konfirmuar vdekjen e katër personave në sulmin e djeshëm në Londër.
Po sipas medieve të huaja, përcjell Telegrafi, informacioni është një korrigjim në lidhje me deklaratën e djeshme nga policia, sipas së cilës u vranë pesë persona.
Sipas raporteve të forcave të sigurisë, janë plagosur 29 persona, e jo si ishte komunikuar më parë, për rreth 40 – por shtatë prej tyre në gjendje të rëndë.
Zëdhënësi i policisë, Mark Rowley u tha gazetarëve se qeveria nuk mund të emërojë sulmuesin edhe pse identiteti i tij është i njohur – kjo për shkak të hetimeve dhe aktivitetet që janë në vazhdim e sipër.
Megjithatë, u konfirmua se sulmuesi ka vepruar i vetëm. Gjithashtu, medieve u është kërkuar që të mos publikojnë emrin e tij, derisa ai të kapet.
Në këtë drejtim, në Birmingham, Londër dhe disa vende të tjera deri më tani janë arrestuar shtatë persona.
