Gjashtë organizata ekologjike në SHBA kanë ngritur të enjten padi kundër administratës së presidentit amerikan Donald Trump, për shkak të vendimit që të miratojë ndërtimin e naftësjellësit kontrovers Keystone XL.
Grupet ekologjike pohojnë se Departamenti i Shtetit, i cili ka dhënë lejen për ndërtimin e naftësjellësit ndërmjet Kanadasë dhe SHBA-ve, me rastin e marrjes së vendimit është bazuar në “pohime të vjetra dhe jo komplete për ndikimin e naftësjellësit në mjedisin jetësor”, transmeton agjencia Reuters.