Presidenti amerikan, Donald Trump ushtroi sërish sot presion mbi autoritetet për zhvillimin dhe miratimin e një vaksinë kundër koronavirusit të ri.
“Dikush ose kushdo në FDA po ia vështirësojnë punën kompanive të ilaçeve për të rekrutuar vullnetarë për testimin e vaksinave dhe trajtimeve. Natyrisht, ata shpresojnë të vonojnë përgjigjen deri pas 3 nëntorit, por duhet të përqëndrohen te shpejtësia dhe shpëtimi i jetëve”, postoi Trump në Twitter.
Trump ka thënë se shpreson që të zhvillohet një vaksinë rreth kohës së zgjedhjeve.
Sidoqoftë, ekspertët kanë paralajmëruar se çdo ndërhyrje politike në procesin e testimit dhe miratimin e vaksinave mund të hedhë dyshime dhe të minojë sigurinë dhe legjitimitetin e saj.
