Ditën e enjte rreth orës 22:00 në Vjenë të Austrisë është goditur me thikë për vdekje shqiptari Shqiptim Ahmeti, i cili ishte me prejardhje nga qyteti i Podujevës, Kosovë.
Mediat lokale raportojnë se ai u godit për vdekje me thikë nga persona ende të paidentifikuar. Ngjarja ndodhi të enjten rreth orës 22:00 në rrugën “Favoritenstasse-Heute”.
33-vjeçari Shqiptim Ahmeti nga fshati Shtëdim, i Podujevës, Kosovë, u përlesh me dy persona, ku për pasojë mbeti i vrarë me thikë.
Ai u rrah dhe u godit për vdekje nga dy të tjerë, ndërkohë që pavarësisht dërgimit në spital gjeti vdekjen si pasojë e plagëve të marra.
Bëhet e ditur se ai po shëtiste me një grua kroate, në momentin që dy personat e qëlluan me thikë.
33-vjeçari ishte me origjinë nga fshati Shtëdim i Podujevës. Po ashtu, nga të dhënat e para dyshohet se pas krimit mund të fshihen dy shtetas nga Maqedonia.
