Marko Gjuriq sot do të vizitojë Kosovën. Jetlir Zyberaj, këshilltar i ministrit të Jashtëm Behgjet Pacolli, ka thënë se drejtori i të ashtuquajturës zyrës për Kosovën në Qeverinë e Serbisë, Marko Gjuriq të mërkurën do të qëndrojë në Kosovë.
“Marko Gjuriq ka marrë leje për të hyrë në Kosovë. Ai i ka plotësuar të gjithë kriteret dhe ne i kemi dhënë leje për të hyrë në Kosovë”, ka thënë Zyberaj.
Gjuriq kishte hyrë ilegalisht në territorin e Kosovës më 26 mars të këtij viti, duke mos respektuar institucionet e Kosovës.
Ai ishte arrestuar nga Policia e Kosovës dhe më pas ishte dërguar në Serbi.
