Banesa përfshihet nga flakët, digjen brenda trinjakët e moshës 3 vjeç. Ngjarja e rëndë ka ndodhur pasditen e sotme rreth orës 17:30 , në Rromanat të Durrësit, në banesën private të shtetasit Gëzim Konçit ka rënë zjarr.
Fatkeqësisht brenda në banesë kanë qenë vetëm 3 fëmijë të mitur, trinjakë të moshës 3 vjeç, të cilët kanë ndërruar jetë.
Burimet nga grupi hetimor tregojnë se fëmijet po luanin me një shkrepse të vetëm në banesë. Në fillim morën zjarr perdet dhe më pas banesa.
Nëna e 5 fëmijëve kishte dëshmuar se i kishte mbyllur trinjakët në dhomën e gjumit dhe ishte larguar për për të marrë dy fëmijët më të mëdhenj në shkollë.
Kur nëna u kthye në banesë nuk mundi që t’i nxirrte të miturit nga dritarja, pasi ajo ishte me hekura.
Edhe babai i tre djemve të mitur nuk ndodhej në shtëpi. Babai i fëmijëve punonte vetëm disa metra larg në një pikë inertesh si shofer.
Trupat e pajetë të tyre u nxorën nga zjarrëfikësit. Ndërsa shtëpia dhe mobileritë pothuajse janë djegur plotësisht.
Grupi hetimor ndodhet në vendngjarje, të cilët po punojnë për zbardhjen e rrethanave të ngjarjes.