Ministri i Ministrisë për Forcën e Sigurisë së Kosovës(MFSK), zotëri Haki Demolli priti në takim zyrtar ambasadoren e Republikës së Kroacisë në Republikën e Kosovës, zonjën Marija Kapitanoviq.
Me këtë rast, ministri Demolli dhe ambasadorja Kapitanoviq biseduan për bashkëpunimin e shkëlqyer në mes të Kosovës dhe Kroacisë në të gjitha fushat, me theks të veçantë në fushën e sigurisë.
Në takim, ministri Haki Demolli dhe ambasadorja Kapitanoviq shqyrtuan mundësinë që dy prej kompanive prodhuese të pajisjeve ushtarake personale dhe kolektive nga Republika e Kroacisë të prezantojnë produktet e tyre në Ministrinë për Forcën e Sigurisë së Kosovës, në mënyrë që në të ardhmën keto kompani të mund të jenë ofertë për furnizim dhe blerje eventuale.
Gjithashtu, ministri Demolli e falënderoi ambasadoren kroate, Marija Kapitanoviq, për ftesën që Ministria e Mbrojtjes e Republikës së Kroacisë i bëri atij për pjesëmarrje në konferencën e ministrave të Mbrojtjes ,, SHBA- Karta e Adriatikut’’.
Ministri Demolli dhe ambasadorja Kapitanoviq shprehen gatishmërinë që bashkëpunimi i Kosovës dhe Kroacisë në fushën e sigurisë të vazhdojë dhe të intensifikohet edhe në të ardhmën
