Takimi i shumëpritur midis Presidentit të SHBA Donald Trump dhe udhëheqësit të Koresë së Veriut Kim Jong-un do të zhvillohet në një hotel në ishullin Sentosa të Singaporit.
Lajmi është konfirmuar nga Shtëpia e Bardhë, por shumë detaje nga samiti historik që është planifikuar të mbahet më 12 qershor janë ende të pakonfirmuara.
Sekretarja e shtypit e Shtëpisë së Bardhë Sarah Sanders konfirmoi në Twitter se samiti do të zhvillohej në hotelin me pesë yje Capella.
Por duket se të dy liderët do të qëndrojnë diku tjetër. Trump ka gjasa të qëndrojë në hotelin Shangri-La, ku presidentët amerikanë kanë qëndruar më parë, ndërkohë që Kim ndoshta do të qëndrojë në St Regis Singapore, raporton gazeta Straits Times.
Të dy hotelet janë në ishullin kryesor, pranë shiritit të famshëm të pazareve të Orchard Road. Ndërkohë Sentosa është një nga 63 ishuj që përbëjnë Singaporin. Ishulli 500 hektar, ka vetëm një distancë të shkurtër nga ishulli kryesor dhe është shtëpia e vendpushimeve luksoze, marinave private dhe klubeve të golfit.
Por ishulli gjithashtu ka një histori të errët të piraterisë, gjakderdhjes dhe luftës. Lokacioni i ishullit, vetëm jashtë kontinentit, e bën atë një vend të sigurtë.
