Një aksident i rëndë ndodhi orët e vona të mbrëmjes së djeshme në qytetin e Kavajës. Mësohet se ka shkuar në tre numri i viktimave si pasojë e aksidentit tragjik.
Mbrëmë humbën jetën Lumturie Demrozi 46-vjeç, dhe pasagjeri i makinës që u aksidentua Gentjan Belba 23-vjeç, ndërsa në orët e para të ditës së sotme vdiq në spital shoferi i ‘Benz’-it me targa AA 615 VO, Vilson Cara 24-vjeç. Sipas të burimeve të para mësohet se të rinjtë po ktheheshin nga një festë.
Por pavarësisht tentativës makina ka marrë përpara nënën bashkë me vajzën. Përplasja ka qenë fatale për gruan që humbi jetën në vend nga goditja, ndërsa vajza Xh. Demrozi 21-vjeçe ndodhet në spitalin rajonal të Durrësit.
Nga përplasja e makinës me tabelës e karburantit humbi jetën në vend edhe pasagjeri Gentjan Belba që po udhëtonte në ‘Benz’ me Vilson Carën, ndërsa ky i fundit mori plagë të rënda duke ndërruar jetë mëngjesin e sotëm.
Policia ka nisur hetimet për ngjarjen, ndërsa shpejtësia dhe lagështira në rrugë sollën humbjen e kontrollit dhe daljen e makinës nga rruga.