Polica e Elbasanit ka zbardhur vrasjen e 19-vjeçarit Gazmend Sllamit pasditen e djeshme në fshatin Gur i Zi dhe ka vënë në pranga autorin e dyshuar të krimit, shtetasin Altin Hazizi, 20 vjeç.
Burime nga policia lokale bëjnë me dije se dyshohet që vrasja e 19-vjeçarit të ketë ndodhur nga pakujdesia. Dyshohet se autori i vrasjes dhe viktima kishin dalë për gjah kur ka ndodhur ngjarja.
19-vjeçari Sllami u gjet i vdekur rreth 200 metra larg shtëpisë, në një kodër nga familjarët e tij. Ai ishte qëlluar me armë gjahu.
