Reagimi i parë që shteti bëri ndaj zjarrit në kullën ”Grenfell” ishte një dështim, pranoi sot kryeministrja britanike, Theresa May.
”Zjarri ishte një dështim i shtetit, atij lokal dhe qendror”, deklaroi May gjatë debatit në parlament pas fjalimit të mbretëreshës Elizabeth II për qeverinë e re të vendit.
”Mbështetja ndaj banorëve të kësaj kulle, në momentet e para të rënies së zjarrit, kur ata e donin atë më shumë se çdo gjë tjetër, nuk ishte në nivelin e duhur”, pranoi May, përcjell Atsh.
Ndërkohë, lideri opozitar laburist, Jeremy Corbyn i tha parlamentit se ”çdo vdekje në atë kullë mund të ishte mënjanuar”.
